Балабақшамызда ерекше мереке аталып өтті! Бүлдіршіндеріміздің екінші үйіне айналған балабақшамыздың ашылғанына 5 жыл толуына орай және көктемнің ең шуақты мерекесі – 8 Наурыз Халықаралық әйелдер күніне арналған мерекелік кеш ұйымдастырылды.
Іс-шара барысында тәрбиеленушілеріміз өз өнерлерін ортаға салып, ән айтып, би билеп, көрермендерге көтеріңкі көңіл-күй сыйлады. Аналар мен әжелерге арналған жүрекжарды тілектер мен әсерлі қойылымдар мерекенің көркін аша түсті.
Мерекелік кештің басты мақсаты – балалардың шығармашылық қабілеттерін дамыту, сахна мәдениетін қалыптастыру және аналарға деген құрмет пен сүйіспеншілікті арттыру.
Мерекелік кеш жоғары деңгейде өтіп, ата-аналар мен қонақтарға ерекше әсер қалдырды. Балабақшамыздың 5 жылдық белесі осындай жарқын сәттермен есте қалды.
